Mek Eskubaloiko gizonezkoak garaile Uharten eta emakumezkoak galtzaile Zaragozan

Azken jardunaldian Zilarrezko Ohorezko Mailan jokatzen duen Mek Eibar Eskubaloiko emakumezkoen taldeak ezin izan zuen punturik eskuratu liderraren etxean. Schar Zaragozak denboraldi honetan partidu guztiak irabazi ditu, bat kenduta, eta eibartarrek maila eman bazuten ere, azkenean 29-21 galdu zuten, atsedenaldira 17-11koarekin erretiratu eta gero. Hurrengo jardunaldia denboraldiko azkena izango da, Eibarren Loyola jasota.

1. Maila Nazionalean jokatzen duen Mek Eibarko gizonezkoen taldeak, bestalde, Uhartekoa bezalako kantxa zailean ere nagusitu zen, azkeneko 28-32ko emaitzarekin. Haritz, Ruben eta Jonayren bajak izan arren, taldeak seriotasuna, kontzentrazioa eta erabakitasuna erakutsi zituen, hasieratik jokoaren kontrolari eutsiz. Gainera, azken jardunaldi honetan Zaragoza bigarren sailkatuak Tarazonarekin berdindu eta gero, bigarren postua lortzeko lehian hurbiltzea lortu dute eibartarrek. Garaipen honekin, taldeak sendo jarraitzen du bere helburuan eta motibazioz ekingo die hurrengo jardunaldiei.