Museoko erakusketa iraunkorrera bisita gidatua antolatu dute zapaturako

Eibarko Armagintzaren Museoak bisita gidatua antolatu du urriaren 11rako (zapatua), urte osoan ikusgai dagoen erakusketa ezagutu nahi dutenentzat. Azalpenak euskaraz entzun nahi dituztenentzat bisita 17:00etan hasiko da, eta gaztelerazko bisita ondoren, 18:30ean egingo dute. Ordubeteko iraupena izango du, eta dohainik da, baina aldez aurretik izena eman behar da, museoa@eibar.eus helbidera mezua bidalita. Talde bakoitzean 20 lagun onartuko dituzte gehienez, eta onarpena inskripzio-ordenaren arabera egingo da.