Odola eman nahi duten herritarrentzat urteko lehen hitzordua izango da gaurkoa
Orain arte bezala, odol-emaileak Untzagako gizarte etxera joan beharko dira.
2025/01/09
16:34
eta kitto!
Odol-emaileen Elkarteak Eibarren duen delegazioak hasi berri den urterako egutegia prest dauka, eta gaur izango da odola ematera joateko lehen eguna. Orain arteko moduan, odola eman nahi duenak Untzagako gizarte etxera joan beharko da, jarraian zehaztutako egunetan, 16:50etik 20:50era bitartean. Abenduan izan ezik hilean birritan (hamabostean behin) egongo da odola ematera joateko aukera, eguen arratsaldez:
2025erako egutegia Eibarko odol-emaileentzat
- Urtarrilak 9 eta 23
- Otsailak 13 eta 27
- Martxoak 13 eta 27
- Apirilak 10 eta 24
- Maiatzak 8 eta 22
- Ekainak 12 eta 26
- Uztailak 10 eta 24
- Abuztuak 14 eta 28
- Irailak 11 eta 25
- Urriak 9 eta 23
- Azaroak 13 eta 27
- Abenduak 11
