Ohorezko B Mailako Eibar Rugby Taldeak sendo jarraitzen du lidergoan

Emakumezkoen Ohorezko B Mailan lehiatzen den Eibar Rugby Taldeak bikain hasi du denboraldia, bi neurketatan bina garaipen lortuz. Asteburuan 40-7 gailendu zitzaion CEFA-Unizar taldeari Unben jokatutako neurketan eta, orain, bost puntuko aldea ateratzen dio bigarren sailkatuari.

Eibartarrek arerio indartsua izango dute hurrengo jardunaldian, Olimpico de Pozuelo izango baitute aurrez aurre. Partidua Madrilen jokatuko da, zapatuan, 16:00etan.

Gizonezkoak maldan behera

Euskal Ligan ari den gizonezkoen taldeak, bestalde, ez du burua altxatzea lortzen Universitario Bilbao Rugbyren aurka 114-0 galdu ondoren. Horrela, ligako lau partiduak galduta, azken-aurreko postuan dago talde eibartarra, Urgozo Zornotza Rugby taldearekin berdinduta.