Olatz Mitxelena idazleak “Arrain hezur bat eztarrian" liburuaren gainean egingo du berba “Harixa Emoten”eko saioan

Harixa Emoten literatur tertulien lehenengo saioa bihar, urriak 10, egingo da. Udal liburutegiak eta ...eta kitto! Euskara Elkarteak elkarlanean antolatzen dute egitasmoa, eta lehenengo saiorako “Arrain hezur bat eztarrian” izeneko liburua irakurri behar izan dute parte-hartzaileek. Martitzeneko saioan Olatz Mitxelena egilea izango da, Ainhoa Aldazabalen gidaritzapean tertuliako partaideekin batera liburuari mamia ateratzen.