Ostalaritzako eta elikadurako bonu-txartelak irailaren 16tik aurrera erosi ahal izango dira

Eibarko Udalak datorren asteartean, irailak 16, bonu-txartelen kanpaina berria jarriko du martxan, tokiko ostalaritza eta elikadura sektoreak sustatzeko helburuarekin. Guztira 685 bonu banatuko dira, %20 eta %40 arteko deskontuekin.

Kanpaina Eibar Merkataritza Gune Irekiarekin eta Nafarroako Rural Kutxarekin lankidetzan antolatu da, eta 15.000 euroko udal-laguntza du.

Bi sektore eta deskontu desberdinak

• Elikadura: %20ko deskontua.
  
  

• 50 €-ko txartela → 40 €-tan.
  
  

• Ostalaritza: %40ko deskontua.
  
  

• 50 €-ko txartela → 30 €-tan.
  
  

Kontsumitzaileek 50 € edo 100 €-ko modalitatea aukeratu ahal izango dute, NAN edo AIZ bakoitzeko gehienez bi bonu erosiz.

Erosketa eta erabilera baldintzak

• Bonu-txartelak irailaren 16an, 9:00etan, salgai jarriko dira: www.erosieibarren.eus

• Txartelak erosi eta 2 egun balioduneko epean jaso beharko dira hautatutako establezimenduan:
  
  

• “Burbujas y más” (Estaziño kalea)
  
  

• “Lakuesta Óptica” (Fermín Calbetón kalea)
  
  

• Urriaren 12a izango da txartelak erabiltzeko azken eguna. Data horretatik aurrera, txartelak baliogabetuko dira, saldoa izan arren.
  
  

• Kanpainari atxikitako establezimenduak webgunean bertan argitaratuko dira.

Amaitzeko, txartelak erabilitako establezimenduan utzi beharko dira, hurrengo kanpainetan birziklatu ahal izateko.