Palestinaren aldeko manifestazioa egingo dute hilaren 13an
Zapatuan Bilbon egingo den manifestaziora joateko deia ere egin dute
2024/10/03
10:35
eta kitto!
Israel Gaza bonbardatzen hasi zeneko urtea beteko den honetan, Eibar Palestinarekin elkarteak manifestazioa antolatu du hilaren 13rako 'Palestina askatu' goiburuarekin.
Manifestazioa 12:00etan hasiko da Untzagatik eta Palestinari babesa erakusteko bertan parte-hartzeko deia luzatu diete eibartarrei.
Autobusak eta trenak Bilboko manifestaziorako
Egun batzuk lehenago, hilaren 5ean, Bilbon egingo da manifestazioa Palestinaren alde. Horrela, Eibar Palestinarekin taldeak autobusean edo trenean joateko deia egin du.
Manifestazioa 12:00etan hasiko denez Jesusen Bihotzaren plazatik, Bilborako autobusak 09:40ean edo 10:40ean hartzeko dei egin dute (Ego Gainetik), eta trenak 09:11ean edo 10:11ean hartzeko (Estaziñoko ordutegia).
