PSE-EEk "Eibarrekin konprometitutako talde berritu eta plurala" aurkeztuko du udal hauteskundeetara

Atzo arratsaldean Errebal Plazan egindako ekitaldian aurkeztu zituen Eibarko PSE-EEk maiatzaren 28ko udal hauteskundeetara aurkeztuko dituen hautagaiak. Zerrendaburu eta alkategaia den Jon Iraolarekin batera, 26 eta 78 urte bitarteko 11 gizonek eta 10 emakumek osatzen dute “Eibarrekin konprometitutako talde berritu eta plurala, gure hirian berdintasuna, bizikidetza eta ekintzailetza bezalako balioak babesteko bermea izango dena”.

Nabarmendu zutenez, PSE-EEk aurkeztuko duen zerrenda berritu egin da. Izan ere, kideen herenarentzat (21etik 7rentzat) hauteskunde-plantxa batean sartu diren lehen aldia da, eta horietako hiru, gainera, zerrendako goiko tokietan daude (bigarren, hirugarren eta laugarren postuetan). Eta, bestetik, bost independente sartu dira. Diotenez, “hori sintoma ona da, eta erakusten du Eibarko PSE-EEk hiri sendo eta ilusionagarriaren proiektua duela, eibartarrak erakartzeko gai dena, nahiz eta gure alderdiko militanteak ez izan”. Ekitaldia girotzeko, Sofia eta Ander eibartarrak aritu dira kantuan.

Jarraian daukazue udal hauteskundeetara Eibarko sozialistek aurkeztuko duten zerrenda, 21 hautagaiekin:

1. Jon Iraola

2. Sonia Archeli

3. Andoni Zabala

4. Vanesa Hortas

5. Alberto Albistegi

6. Ana Telleria

7. Patxi Lejardi

8. Patricia Arrizabalaga

9. Pedro Escribano

10. Idoya Sarasketa

11. Ander Curiel

12. Isabel Andres

13. Daniel Santos

14. Milly Tifa

15. Gabriel Saro

16. Carlota Utrera

17. Andoni Ameztoy

18. Merche Unanue

19. Arcadio Benitez

20. Marisa Larrauri

21. Miguel de los Toyos