Real Unión-en aurka amaituko du SD Eibar-ek aurredenboraldiko lagunartekoen egutegia
Hypermotion Liga abuztuaren 16an hasiko du Eibarrek, 17:00etan, Ipuruan, Teneriferen aurka
2026/08/06
09:30
Ekhi Belar Errasti
SD Eibar-ek abuztuaren 8an, larunbata, emango dio amaiera aurredenboraldiko lagunartekoen egutegiari. Azken neurketa Real Unión-en aurka jokatuko du, 11:30ean, Irungo Gal estadioan.
Denboraldi ofiziala hasi aurreko azken proba izango da armaginentzat. Horregatik, neurketa baliagarria izango da taldearen azken doikuntzak egiteko eta entrenatzaileak lehiaketari begira azken ondorioak ateratzeko.
Athletic Club, Real Sociedad B eta Arenas Cluben aurkako partiden ondoren iritsiko da Real Unión-en aurkako hitzordua, aurredenboraldiari amaiera emango diona.
