Saihesbideko hesia konpontzeko eskatu dio Eibarko EAJ-PNVk Aldundiari

Estaziño auzoa saihesbidearekin lotzen duen hesia konpontzeko eskatu dio Eibarko EAJ-PNVk Gipuzkoako Foru Aldundiari. Jeltzaleek adierazi dutenez, hesia hondatuta egoteak segurtasun gabezia sortzen die pasabide hori egunero erabiltzen duten herritarrei, kirola egitera doazenei eta lanera oinez joaten direnei.

Eskaera hori aintzat hartu du Aldundiko Bide Azpiegituretako sailak, eta konponketa-lanak datozen hilabeteetan egitea aurreikusten da.

Alberto de la Hoz, EAJ-PNVko bozeramaile eta Trafiko eta Mugikortasun zinegotziak azaldu du egokitzapen-lanak ikasturtean zehar egingo direla, herritarrek pasabidea segurtasunez erabil dezaten. Halaber, nabarmendu du “neurri honekin eibartarren ongizatea eta segurtasuna hobetzeko konpromisoa” betetzen dutela.