Santaeskean irtengo dira arratsaldean herriko hainbat talde

Gaur (eguaztena, hilak 4) Santa Ageda bezpera da eta, ohiturari jarraituta, herriko taldeak kalerik kale kalejiran, santaeskean irtengo dira, Santa Agedari eskainitako koplak abesten: Eibarko Sareren kalejira 18.30etan hasiko da eta taldea Amaña, Ipurua eta erdialdean ibiliko da; ordu erdi geroago, 19.00etan hasiko da Gurasoak Berbetan egitasmokoen kalejira. Ibarkurutzetik abiatuta Urkizuraino jeitsiko dira hauek, …eta kitto!-n piskolabisa hartuta amaitzeko; Sostoa abesbatzak ere 19.00etan hasiko du kalejira, Ego-Gain kalean, Urkizun amaitzeko; eta Kaleetan Kantuz abesbatzak 19.30etan Urkizun ekingo dio kalejirari.