Saskibaloiko Artesanos Juantxo Taldeak elgoibartarren aurkako derbia irabazi zuen

Aurreko zapatuan Ipuruan jokatutako Eibar Saskibaloiko Artesanos Juantxo senior mailako taldeak 78-63 irabazi zion Elgoibarko Modelos Modelberriri. Partiduan hasieratik hartu zuen aurrea etxeko taldeak, lehenengo laurdenean abantaila aterata (26-15). Hala ere, atsedenaldira heldu aurretik, Elgoibarkoak 12-21 nagusitu zirenez, markagailua asko estutu zen (38-36). Hirugarren laurdeneko parekotasunak (17-16 eibartarren alde) azken laurdenerako laga zuten dena. Hor bi minututan Artesanosekoek lortutako 10 puntuko aldeak erabaki zuen partidua.

Modu horretan, Ibai Lekunberrik zuzentzen duen taldea lidergoan dago, Aldapeta Maria Ikastetxearekin berdinduta, bi jardunaldietako partiduak irabazita.