SD Eibar-ek 682 sarrera jarriko ditu salgai bihar Anduvarako

Zapatuan, gaueko 21:00etan hasita, SD Eibar-ek Anduvako zelaian CD Mirandesen aurka jokatuko duen partidurako handik bidalitako 682 sarrerak salgai jarriko ditu bihartik 25 eurotan. Sarrerak Orsaixanen izango dira eskuragarri bihartik, goizeko 09:30etik, eguen eguerdira arte, 12:00ak arte. Ohikoari jarraituz, izena, abizenak, NANa eta harremanetarako datuak aurkeztu beharko dira sarrerak erosterakoan. Ez da bazkide bakoitzak gehienez eros dezakeen sarrera-kopururik egongo, baina nahitaezkoa izango da laguntzaile bakoitzaren datu pertsonalak eta harremanetarako datuak ematea.

Bestalde, SD Eibar-ek, Viajes Premier agentzia ofizialarekin lankidetzan, armaginen zaleen eskura jarri du Mirandara autobusez eta sarrerarekin joatea, guztia 40 euroko prezioan. Interesa dutenek Orsaixanen bakarrik eskuratu ahal izango dute packa. Autobusa 16:00etan irtengo da Eibartik eta partidua amaitzean itzuliko da. Autobusa antolatzeko, gutxienez 40 lagunek eman beharko dute izena