SD Eibar-ek Albaceten jokatuko du gaur 21:00etan

Joseba Etxeberriaren taldeak Hypermotion Ligako laugarren jardunaldiko neurketa izango du zain gaur Albaceteko Carlos Belmonte zelaian, gaueko 21:00etatik aurrera jokatuko den partiduan. Gaztela-Mantxako taldea eibartarren aurretik dago gaur egun: sei puntu dituzte Albacetekoek eta bat gutxiagorekin, bostekin, daude armaginak. Atzora arte jokatutako partiduekin, Zaragozak aurrea hartu dio Huescari lidergoan.

Bestalde, SD Eibar-ek salgai jarri ditu datorren zapatuan CD Teneriferen aurka Ipuruan jokatu beharreko partidurako sarrerak. Hilaren 14an jokatuko den norgehiagoka hori arratsaldeko 16:15ean hasiko da. Klubeko bazkideek gehienez bi sarrera erosi ahal izango dituzte 15 euroren truke. Sarrera horiek SD Eibarreko web orrian edo Orsaixanen erosi ahal izango dira, prezio hauetan: fondoetan eta B zonetan, 20 euro; A zonan, 25 euro; eremu zentratuan, 30 euro; eta 13 urtetik beherakoentzat, 10 euro. Gainera, VIP sarrerak 90 eurotan eros daitezke. Partidura joango ez diren abonatuek ere, ohiko baldintzetan, eserlekua uzteko aukera dute.