SD Eibar-ek astelehenean jarriko ditu salgai El Plantiorako sarrerak

SD Eibar-ek datorren astelehenean jarriko ditu salgai Burgos CF taldeak azaroaren 23an, zapatua, 18:30ean jokatuko duen partidurako bidali dituen 432 sarrerak, 25 eurotan. Sarreren salmenta Orsaixanen hasiko da astelehenean, hilak 18, goizeko 09:30etik aurrera; sarrerak izendunak dira eta eguaztenera arte (19:00) egongo dira salgai.

Erosketa-prozesuan zehar, interesatuek sarreraren zenbatekoa (25 euro) ordaindu beharko dute, baita bere izena, NANa eta posta elektronikoa eman. Burgos CFk bidaliko dio sarrera armagin bakoitzari posta elektronikoz eguenean. Ez da bakoitzak gehienez eros dezakeen sarrera-kopururik egongo, baina nahitaezkoa izango da armagin bakoitzaren datu pertsonalak eta harremanetarako datuak ematea.

Bestalde, SD Eibar-ek, Viajes Premier Eibarreko agentzia ofizialarekin lankidetzan, zaletuen eskura jartzen du Burgosera joateko autobusa eta sarrera, 45 euroko prezioan. Interesa dutenek Orsaixanen bakarrik eskuratu ahal izango dute packa. Autobusa 09:00etan irtengo da Eibartik eta partidua amaitzean itzuliko da. Bidaia antolatzeko, gutxienez 40 lagunek eman beharko dute izena.
Orsaixango bulegoak zabalik egongo dira astelehenetik eguenera, 09:30etik 13:30era, eta 15:30etik 19:00etara; eta barixakuan 09:30etik 13:30era.