SD Eibar-ek bikain hasi du denboraldia, Betisi 2-0 irabazita

Denboraldiari hasiera borobila eman dio emakumezkoen lehen taldeak. Ane Campos eta Espe Pizarroren golekin irabazi zuen zapatuan Yerai Martinen taldeak Betisen aurka denboraldiko lehen jardunaldian. Lehen zatian armaginei kosta egin zitzaien partiduan sartzea, baina lehen ordu erdia beteta, Betisek zailtasunak izan zituen area defendatzeko. Amanik Patrirekin izan zuen konexio onaren ondoren, Ane Camposek lehen gola egitea lortu zuen.

Bigarren zatia hasita, Espe Pizarrok bigarren gola egitea lortu zuen. Partidu zaila eta berdindua espero zen, baina ondo egin zioten aurre armaginek, hiru puntuak etxean geratzea lortuta. Hurrengo asteburuan berriro izango dute partidua etxean, oraingoan Valencia CFren aurka.