SD Eibar-ek Genuine Liga hasiko du asteburuan Tarragonan

SD Eibar Fundazioko taldeak hiru partidu jokatuko ditu asteburu honetan Tarragonan. Liga Genuinean parte hartzen ari den gure herriko taldeak zapatuan eta domekan ekingo dio bere ibilbideari Tarragonan, denboraldi berria abiatzeko. Talde armagina Adiskidetasun Taldean sartuta dago; guztira, 47 taldek osatzen dute elkarbizitza, laguntasuna, kiroltasuna eta errespetua ardatz dituen ekimena. Hauek izango dira asteburuko partiduak: zapatuan, 10:00etan, RCD Espanyolen aurka; egun berean, 17:30ean, UD Almeriaren aurka; eta domekan, 10:00etan, Sevilla Fc-ren aurka.