SD Eibar-ek salgai jarri ditu Almeriaren aurkako partidurako sarrerak
UD Almeriak 400 sarrera bidali ditu 20 eurotan domeka gauean, 21:00etan hasita, bertako UD Almeria Stadium-ean SD Eibar-en aurka jokatuuko duen partidurako. Sarrera horiek salgai egongo dira Orsaixanen egueneko 19:00ak arte; eta eskuratzeko, nahitaezkoa da kontaktuko datuak eta datu pertsonalak ematea.
Bestalde, Joseba Etxeberriaren taldeak, atzoko atsedenaldiaren ondoren, gaur hasiko ditu Hypermotion Ligako 6. jardunaldiko neurketa hori prestatzeko lanetan. Gaur 11:00etan lan-saioa izango dute Atxabalpen; bihar toki berean izango dira ordu erdi lehenago hasita; etzi eta etzidamu Ipuruak hartuko ditu entrenamendu horiek, kasu bietan 11:00etatik aurrera; eta zapatuko lan-saioa, partiduaren aurreko azkena, arratsaldez izango da, 17:00etan hasita Atxabalpen eta, hori bai, ateak itxita.
