SD Eibar eta Sporting taldeek indarrak neurtuko dituzte bihar Ipuruan

Arratsaldeko 16:15ean hasiko da eibartarren eta asturiarren arteko norgehiagoka. Joseba Etxeberriaren mutilek garaipen bidera bueltatzeko asmoa izango dute, justu azken asteburuan denboraldiko lehen porrota jaso ondoren, gainera Asturiaseko lurretan, Oviedoren aurka.

Biharko partiduari begira, badago sarrerak lortzeko aukera oraindik. Abonatuek 15 eurotan lortu ditzakete eta bestelako zaleek 25 eta 35 euroren artean; 13 urtetik beherakoek 10 eurotan jaso dezakete sarrera. Zaletuen animoak ez zaizkio txarto etorriko talde armaginari.