SD Eibarko emakumeen lehen taldeak etxean jokatuko du berriro

F Ligako lehen jardunaldiko garaipenaren ondoren, emakumezkoen lehen taldeak atsedenaldiarekin hasi zuen atzo astea. Gaur bueltatuko dira entrenamenduetara, ligako bigarren jardunaldia prestatzera, kontuan hartuta, gainera, hori ere Ipuruan jokatuko dutela.

Valencia CF-ren aurka jokatuko dute domekan, arratsaldeko 18:00etan hasita. Aste honetan jokalariek izango dituzten lan-saioak honakoak dira: gaur, 11:15ean Anexoan; bihar eta etzi, 11:45ean, Unben; etzidamu, barixakuan, atseden hartuko dute; eta zapatuan, partiduaren aurreko azken entrenamendua Anexoan izango dute, 09:30ean hasita.