SD Eibarko lau jokalarik jaso dute euren selekzioetako deia
Emakumezkoen lehen taldeak denboraldiko azken FIFA geldialdia izango du aste honetan; hori dela eta, jokalari batzuk euren selekzioekin bidaiatzeko deia ere jaso dute. Alena Pečková, Margherita Monnecchi eta Kakounan Amani joango dira egunotan, Eunate Astralagarekin batera.
Pěčkovák Txekiar Errepublikako selekzio absolutuarekin bidaiatuko du, Nations Leagueko taldekako fasea jokatzeko. Bere herrialdeko selekzioa B Ligako H taldean dago, eta bi partidu jokatuko ditu, joan-etorriko formatuan, apirilaren 4 eta 8an Ukrainaren aurka. Margherita Monnecchi italiarrak bere herrialdeko 23 azpiko selekzioarekin lagunarteko txapelketa jokatuko du. Danimarka, Eskozia, Belgika, Suedia, Espainia, Ingalaterra, Frantzia, Portugal eta Norvegia izango dira parte hartzen. Monnecchiren taldeak Norvegiaren aurka hasiko du Murtzian jokatuko den txapelketa. Kakounan Bernadette Amanik, bestalde, Boli Kostara bidaiatuko du lagunarteko norgehiagokak jokatzeko bere selekzioarekin. Han bi partidu jokatuko ditu Keniaren aurka, joan-etorriko formatuan, horiek ere apirilaren 4an eta 8an.
Eunate Astralaga atezaina, azkenik, Espainiako selekzio absolutuaren deia jaso zuen, modu horretan SD Eibarko lehenengoa izanik selekzio absolutuaren deialdi batean sartzen dena. Ez da lehenengo aldia Astralaga Espainiako selekzioarekin doana, baina bai goreneko kategorian. Atzo bildu zen taldea Portugalera etzi bidaiatzeko, bertan Portugalen aurka bi partidu jokatzeko, Nations Leaguerako multzoen faseari dagozkienak. Berangoko atezaina 19 urte azpiko selekzioarekin Eurokopa irabazi zuen iaz, eta UEFAren Hamaikako idealean sartu zuten.
