Tapoi-bilketa solidariorako edukiontzia ipini dute Calbetón kalean

Ontzietako plastikozko tapa eta tapoiak batzeko edukiontzi berezia ipini du Udalak Calbetón kalean, horien bilketa errazteko asmoz. Bertan batutako tapoiekin lortzen den dirua Fibrodisplasia Osificante Progresibo izenarekin ezagutzen den gaitz ezezagunaren ikerketara bideratuko dutela aurreratu dute eta, horretarako, batutako tapoiak gaitz horrek eragindakoak, haien familiakoak eta bolondresak batzen dituen Bizimina elkarteari emango dizkiete.