Udaberri txapelketak martxan jarriko dira asteburuan Eibarko pilotarientzat

Izango da zerekin gozatzeko Astelena frontoian asteburu honetan ere. Gipuzkoako Udaberri txapelketak hasiko dira oraingoan pilota eta paleta gomako modalitateetan. Gaurko jaialdian, 19:00etan hasita, alebin mailako Manex Arrietak eta Markel Uskolak osatutako bikoteak Zaldibiko Gaztelupe 2koaren kontra jokatuko du. Ondoren, paleta goman, Sologaistua eibartarrak eta Astigarragako Luluagak neurtuko dituzte indarrak banaka, 7 koadroaren barruan.

Domekan goiz eta arratsalde, bi jaialdia izango dira: 10:30ean hasiko den lehenengoan, Segurola-Gisasola jubenil mailako bikoteak Billabonakoa izango du aurkari. Eta arratsaldean, 17:00etan hasita, Udaberri Goma Paleta binakakoaren lehenengo jardunaldiko partidua izango da, gure herriko Lombraña-Osa bikotearen eta Aiakoaren artekoarekin.