Udaltzaingoa | Irailaren 30eko Eguneroko Txostena
TRAFIKOA
- Irailaren 28an, 11:02an, bi autok talka egin zuten Indalezio Ojanguren kalean. Ibilgailuetako gidariak ados jarri ziren eta istripu-adierazpen adiskidetsua egin zuten.
- Irailaren 28an, 20:16an, agenteek ibilgailu baten gidaria atxilotu zuten Sostoatarren kalean, edari alkoholdunen eraginpean gidatzeagatik. Garabi batek ibilgailua udal-biltegira eraman zuen. Pertsona atxilotua udaltzaingora eraman zuten, atestatua egiteko.
BESTE GORABEHERA BATZUK
- Irailaren 28ko 1:03an, Fermin Calbeton kaleko etxebizitza batetik telefono-dei bat jaso genuen: kexu ziren ondoko tabernatik zetozen musika-hotsengatik. Patruila bat bertaratu zen, eta jasotako kexen berri eman zien tabernan zeuden pertsonei.
- Irailaren 28ko 22:55ean, Tiburzio Anitua kaleko etxebizitza batetik telefono-dei bat jaso genuen: kexu ziren ondoko gazte lokaletik zetozen hotsengatik. Patruila bat bertaratu zen, eta jasotako kexen berri eman zien lokalean zeuden pertsonei.
- Irailaren 29ko 0:33an, Egiguren-Tarren kaleko etxebizitza batetik telefono-dei bat jaso genuen: kexu ziren ondoko gazte lokaletik zetozen hotsengatik. Patruila bat bertaratu zen, eta jasotako kexen berri eman zien lokalean zeuden pertsonei.
- Irailaren 29ko 12:20an, telefonoz jakinarazi zigutenez, pertsona batek lesio larri bat izan zuen Unbe kirol-gunean errugbi partida bat jokatzen ari zela. Pertsona Mendaroko Ospitalera eraman zuten.
OHARRAK
- Gogoan izan datorren larunbatean, urriaren 5ean, 16:15ean, Eibar eta Sporting de Gijon taldeen arteko partida jokatuko dela. J.A. Mogel eta Indalezio Ojanguren kaleetako ohiko eremuak seinaleztatuko dira.
