Udaltzaingoa | Maiatzaren 5eko Eguneroko Txostena

TRAFIKOA
-  Maiatzaren 2an, 12:35ean, bi autok talka egin zuten Julian Etxebarria kalean. Ibilgailuetako gidariak ados jarri ziren eta istripu-adierazpen adiskidetsua egin zuten.
- Maiatzaren 2an, 22:37an, agenteek ibilgailu bateko gidaria atxilotu zuten Untzaga Plaza kalean, edari alkoholdunen eraginpean gidatzeagatik. Garabi batek ibilgailua udal-biltegira eraman zuen. Atxilotua Udaltzaingora eraman zuten, atestatua egiteko.
BESTE GORABEHERA BATZUK
- Maiatzaren 4an, 01:04an, Urkizu Pasealekua kaleko etxebizitza batetik telefono-dei bat jaso zen, ondoko tabernatik zetozen musika-hotsaz kexatzeko. Patruila bat bertaratu zen, eta jasotako kexen berri eman zien tabernan zeuden pertsonei.
- Maiatzaren 5ean, 00:16an, telefono-dei bat izan zen, Bista Eder kalean pertsona batzuen artean izaten ari zen borroka baten berri emateko. Hainbat patruila bertaratu ziren eta gertakarian inplikatutako pertsonak identifikatu zituzten.
OHARRAK
- Maiatzaren 11n, igandean, txirrindularitzako Valenciaga Oroitzarrea ospatuko da. Proba 9:00etan abiatuko da Untzaga plazatik eta txirrindulariak 2 aldiz igaroko dira Eibartik: Lehenengoan, 12:15ak aldera iritsiko dira Ermutik eta Otaola Hiribidea eta Barrenengua kaleak pasatu ondoren Amaña auzora sartuko dira eta Izuarantz igoko dira. Bigarrenean, Maltzagatik Azitainera iritsiko dira eta, herri guztia zeharkatu ondoren, Toribio Etxebarria kaleko helmugara iritsiko dira. 13:00ak aldera iristea espero da.
Seinaleei behar bezalako arreta jartzeko eskatzen zaie gidariei.