Umeentzako jokoak eskainiko dituzte domekan Ipuruako Merkatu Plazan

Ipurua umeentzako jolastoki bihurtuko da domeka goizean, 10:00etatik 14:00etara. Izan ere, 'Ipurua Games' izeneko egitasmoa antolatu dute 6 eta 12 urte arteko umeentzat.

Ekintzak 10:00etan hasiko dira, Ipuruako Merkatu Plazan, eta bertan talde ezberdinei kamisetak emango dizkiete, jokoak azalduko dira eta baita beroketak egin ere.

Ipuruako Merkatu Plazatik Bolerara joango dira futbolinean eta igelan aritzeko, eta merkatu plazara itzuliko dira gero break dance egiteko. Ondoren, Ipuruako kiroldegian luzerako jauziak, pisuzko jaurtiketak, erreleboak eta saskibaloia egingo dira, eta amaitzeko, Argatxan, orienting saioa (euririk egingo ez balu) egingo da eta Ipurua elkarte gastronomikoan piskolabisa eskainiko da.

Egitasmoan izena eman nahi izanez gero, 614131174 telefonora deitu behar da.