Urak gainezka egin du Eibar eta Elgoibar arteko bidegorrian
Maltzagan egin du gainezka Deba ibaiak, azken orduetako euriteen ondorioz. Gaur, astelehena, negu giroarekin jarraituko dugu.
2024/12/09
09:24
eta kitto!
Azken orduetako euri denboralearen eraginez, Deba ibaiak gainezka egin du bidegorrian, zehazki Maltzagan, Delteco enpresaren inguruan. Hori dela eta, hesiak jarri dituzte, pasabidea itxiz.
Gaur, astelehena, negu giroarekin jarraituko dugu. Goizean zehar zaparradek itsasotik sartzen jarraituko dute eta baliteke ekaitzak jo eta txingorra egitea, batez ere goizean goiz. Arratsaldetik aurrera zaparradak tartekatuagoak izango dira. Tenperaturan aldaketa gutxi, elur-kota 800-1000 metro inguruan egongo da eta haizea iparraldetik sartuko da. Mendi inguruetan izotza egingo du berriro.
