Urbateko Sanandresetako otarraren zenbaki saritua 2.224 izan da
San Andres eguneko eguerdiko zozketan honako hiru zenbakiak irten ziren, orden honetan: 1) 2224; 2) 3.218; eta 3) 3.133. Lehenengo zenbakiaren jabeak irabaziko du zozketatzen duten otarra; beste biak ordezkoak dira, eta orden horretan.
Bestalde, Urbat waterpolo taldetik honakoa bidali dute:
Eskerrak eman nahi dizkizuegu aurtengo San Andres txosnaren antolaketan parte hartu duzuen guztioi. Muntaketan parte hartu zutenengandik hasi eta gaueko zaintzaileengandik, zozketa saltzaileengandik, boleatzaileengandik, txosnako langileengandik pasatuz eta desmuntaketan parte hartu zutenengandik amaituz.
Zuen laguntzari esker, klubarentzat oso diru garrantzitsua lortu dugu. Talde-lan miresgarriari esker, uste baino emaitza hobeak lortu ditugu. Taldean lan eginez lortuko dugu etorkizunean izango ditugun ezbeharrak gainditzea. Klub txiki bat garen arren, osatzen dugun bazkideok klub handi bat egiten dugu.
