Urki CFko taldeek lau garaipen, bi berdinketa eta hiru porrot izan dituzte azken asteburuan

Talde nagusiek bide zuzenetik jarraitzen dute eta, horrela, Erregional Mailan jokatzen duten biek aurrera atera zituzten euren partiduak. Gorengo Mailako Urki Alquidebak 3-0 irabazi zion Lagun Onak Azpeitiko taldeari (Etxebe bitan eta Markel Zubi goleatzaile) eta 1. Erregionaleko Kopan diharduen Urki JMR-k 1-4 irabazi zion Ikasberriri (Marti, Lopez, Gomez eta Prieto goleatzaile). Jubenil mailako taldeek ere asteburu ona izan zuten eta Euskal Ligako Urki Eibarbus Antiguokori 1-3 (Hamzak bi gol eta Jakobek bestea) gailentzen zitzaion bitartean, Gorengo Mailako Urki ABC-k hiruna berdindu zuen Aloña Mendi Oñatikoarekin (Garik bi gol lortuz eta Jakesek bestea). Kadeteetara pasatuz, Ohorezko Urki Hapick-ek 2-3 galdu zuen (Ohian goleatzaile) eta Urki BOJ-ek husna berdindu zuen Orion Oriokorekin. Infantiletan Urki Larragest-ek 4-0 irabazi zion Antzuolari (Alvarezek bi gol eta Alba eta Rinconek bana), infantil txikietan Urki Beltranek 0-4 galtzeko Urolarekin. Azkenik, emakumezkoen futbolean, Urki JAZ-ek 2-1 galdu zuen kanpoan Goierriren zelaian.