Urriaren 18ra arteko epea dago Eibarko Eskola Kirolean izena emateko
Internet bidez eman behar da izena, www.eibareskolakirola.eus webgunean.
2024/10/14
18:20
eta kitto!
Haurrak Eibarko eskola-kirolean inskribatzeko epea zabalik dagoela jakinarazi du Udalak. Izen-ematea urriaren 18ra bitartean egin beharko da, www.eibareskolakirola.eus webgunearen bidez. Azaldutakoaren arabera, “izen-emate prozesua erraza izango da, eta aurreko urteetako datu berberak eskatuko dira”.
Eskabidea egiteko informazio hau eman beharko da: umearen datuak, gurasoekin harremanetan jartzeko datuak, lehenengo sei asteetarako egiten den kirol-hautaketa eta, adingabeak premia berezirik izanez gero, baita horren gaineko informazioa ere.
Eskabidea egiten den une berean egingo da ordainketa, banku-txartelaren bidez. DBE (Diru-sarrerak Bermatzeko Errenta) dirulaguntza jasoz gero, familiek izen-emate prozesuan jakinarazi behar dute.
