Urtzi Abanzabalegiri omenaldia egiteko egitaraua antolatu dute ekainaren 2rako

Iazko urrian hil zen Urtzi Abanzabalegiren lagunek omenaldia egingo diote ekainaren 2an Unben ospatuko den “Urtzi Rugby Eguna” izeneko ekitaldian. Horretarako, goizetik hasiko den egitaraua prestatu dute: 11:00etan beteranoen partidua jokatuko da (Eibar Rugby Team vs. Urtziren lagunak); 12:30ean Senior taldeen txanda izango da (Barbarians Urtzi vs. Euskadiko errugbi selekzio ofiziala); eta 14:30ean hasiko da hirugarren denbora, Unbeko errugbi zelaian bazkaria eginda, zuzeneko musikarekin. Antolatzaileen berbetan, “bere adiskidetasuna eta laguntasuna partekatu zuten guztiekin batera, Urtzi omentzeko aukera izango da”.