Zapatu arratsaldean F Ligako SD Eibarrek Granada hartuko du Ipuruan

SD Eibarrek Real Madriden aurka Alfredo di Stéfanon garaipen garrantzitsua eta ondo landua lortu ondoren, bide horri segida eman nahi izango dio asteburu honetan Ipuruan jokatuko duen partiduan. Horretarako, atzo Anexoan egindako lan-saioari jarraituz, gaur atseden hartuko dute, eta bihar, etzi eta etzidamu beste entrenamendu bana burutuko dituzte.

Zapatuko norgehiagoka 18:00etan hasiko da Ipuruan, eta aurreko lan-saioak goizez egingo dira: bihar eta etzi Unben, 11:45ean hasita, eta barixakuko azkena Anexoan, zertxobait aurretik, 11:00etatik aurrera.