Zapatuan kanpoko igerilekua zabalduko dute Ipuruan

Zapatu honetan, ekainaren 9an, zabalduko dute Ipuruako kanpoko igerilekuaren udako denboraldia eta hiru hilabete iraungo du, irailaren 9ra arte. Guztira, beraz, 13 astetan izango da funtzionatzen, honako ordutegian: goizeko 10:30etik arratsaldeko 20:00ak arte. Azken urteotako datuei erreparatuta, 40.000 herritar inguruk erabiltzen dituzte Eibarko kanpoko igerilekuak udako sasoian, egunean 380 lagunek batazbeste. Ea bainujantzirako eguraldi aproposa egiten duen hemendik aurrera!