Zapatuko Elche taldearen aurkako partidurako sarrerak salgai
Partidua zapatuan jokatuko da, 14:00etan, Ipuruan
2024/10/31
12:00
eta kitto!
Etzi arratsaldeko 14:00etan hasita Ipuruan jokatuko den partidurako sarrerak salgai daude dagoeneko. Sarrerak online nahiz aurrez aurre eros daitezke honako preziotan:B gunekoak, 20 euro; A gunekoak 25 euro; erdialdekoak, 30 euro; 13 urtetik beherakoentzat, 10 euro. Horiez gain, abonatuek bi sarrera eros ditzakete 15 eurotan. Gainera, VIP Premium sarrerak 90 eurotan saltzen dira eta VIP The Club sarrerak 60 eurotan eros daitezke.
Eserlekua uzteko aukera
Partidura joango ez diren abonatuek ere, ohiko baldintzetan, eserlekua uzteko aukera dute. Ez ahaztu SD Eibarrek aukera ematen diela 3 eta 12 urte bitarteko abonatu eta jarraitzaile guztiei (edo seme-alabei) Ipuruako zelaian sartzeko eta hasierako hamaikakoarekin argazkia ateratzeko.
