Zilarrezko Mailako Mek Eibar Eskubaloiak Basaurin galdu egin zuen azkenean
Azken jardunaldian Basaurin jokatutako partiduan, Andoni Perezek prestatzen duen taldeak, borrokatu bazuen ere, partiduaren amaieran amore eman behar izan zuen bizkaitarren aurrean (28-24). Etxeko taldeak indartsu ekin zion neurketari, baina, Nahia Benitezek zazpi metroetatik sartutako golei esker, eibartarrek markagailuaren orekari eusten jakin izan zuten.
Partiduak aurrera egin ahala, baina, Mek Eibar-ek arazoak izan zituen erasoan zein defentsan, horrek partiduak ihes egitea zekarren arriskuarekin. Hala ere, Lucia Gutierrez atezainaren geldiketek une erabakigarria izan zitekeenean partidua berdintzea ekarri zuen, baina bizkaitarren azken minutuetan eragindako presioak balantza euren aldera eraman zuen.
Euskal Ligan jokatzen duen Mek Eibar Eskubaloiko emakumezkoen bigarren taldeak, bestalde, beti aurkari gogorra izaten den Egiaren aurkako partidua galdu zuen Ipuruan (28-34).
