Zuhaitz bat erori da Unibertsitatea eta Ermua tren-geltokien artean eta zerbitzua eten dute

Haize bolada bortitzak ditugu gaurko egunean zehar eta zenbait arazo ari da sortzen garraioan. Hala nola, Unibertsitatea eta Ermua tren-geltokien artean zuhaitz bat erori da berriki eta zerbitzua eten egin behar izan dute.

Trenean zihoazen bidaiariak trenetik jaitsiarazi behar izan dituzte arazoa konpondu artean.

Haizeak sortutako bestelako arazoak

• Suhiltzaileak Egigurentarren kalera gerturatu dira Artola jatetxea dagoen eraikinaren teilatura igotzeko, "haizeak arazoak eragin baititu", lekukoen berbetan.
• Zaldibartik Ermura doan bidea (Monroe enpresa dagoen tokian) moztuta dago beste zuhaitz bat erori delako.