Zuhaitz Gurrutxagak “Futbolistoc” monologoa eskainiko du etzi Unibertsitatean
Futbolisto baten konfidentziak berreskuratzeaz gain, denbora hartako beste hainbat bizipen izango ditu hizpide
2025/03/21
10:09
eta kitto!
Antzerki Jardunaldien barruko ikuskizuna izango da domekan Uni-Eibar esparruan, bertan Zuhaitz Gurrutxaga elgoibartarrak eskainiko duen “Futbolistoc” monologoarekin. Bere bakarkako bigarren lana da aurkeztera datorkiguna eta 80 minutuko iraupena du. Futbolisto baten konfidentziak berreskuratzeaz gain, denbora hartako beste hainbat bizipen izango ditu hizpide. Horrez gain, lehen mailako futbolari zenetik lehen pertsonan pairatzea tokatu zaion Asaldura Obsesibo-Konpultsiboaz (gazteleraz TOC) ere hitz egingo digu. Guztia, dena dela, umorea bidelagun duela jorratuko du. Ekitaldia arratsaldeko 19:00etan hasiko da.
