Zuhaitz bat auto batzuren gainera erori da arratsaldean Arrateko bidean

Itzioko parkingean zeuden kotxeen gainean erori da arbola bat gaur arratsaldean.  Ondorioz, bizpahiru autok kalteak izan dituzte eta Arrateko bidea moztuta gelditu da. Istripua 17:00etan gertatu da eta bi ordu pasa dira zuhaitza kendu eta errepidea trafikoarentzako zabaldu dutenera arte.

Abisua 17:00ak inguruan jaso dute udaltzainek eta Foru Aldundiko langileek jardun dute zuhaitza errepidetik kentzen.  Autoek izandako kalteak arinak izan direla adierazi digute Udaltzaingotik.