Eibarko Jai Batzordeak egitarau berezia antolatu du barixakuan Korrika hartzeko

0    Euskara 
ETA KITTO ETA KITTO
Eibarko Jai Batzordeak egitarau berezia antolatu du barixakuan Korrika hartzeko
ETA KITTO 2022, Mar 28

Korrika barixaku goizean pasako da Eibartik eta, egun berezia izanik, zenbait ekintza egingo dira girotzeko. Eibarko Jai Batzordeak, adibidez, egun osoko egitaraua prestatu du, goizetik gauera.

Korrika 9:25ak inguruan etorriko da Ermutik. Beraz, motorrak berotzen joateko, 9:00etan argazkia egingo da Untzagan eta, gero, Gazte Kilometroa egiteko prestatuko dira, Txoko taberna parean. Korrika egin ondoren, 11:00etan, hamarretakoa egingo da Untzagan.

Arratsaldean jai giroarekin jarraitzeko aukera egongo da. 19:00etan poteo musikatua, karaokea eta jolasak egingo dira Kalaka tabernan. 21:00etan, berriz, bertso afaria egingo da Kultun Unai Iturriaga eta Maider Arregi bertsolariekin.

korrika egitaraua

Gaiarekin zerikusia duten albisteak

« »