ETA KITTO
‘Adaxka lehorrak. Talka ekosozialaren biharamun politikoak’ izeneko liburua argitaratu du Jokin Bergarak, eta hilaren 22an, eguaztenean, 19:00etan, Arrate Kultur Elkartean aurkeztuko du Iker Eizagirrerekin batera.
Bergararen idatzia Iratzar Fundazioak eta Txalaparta argitaletxeak argitaratutako Iparrorratza bildumaren barruan kokatzen da. Horren bitartez, ikerketa, gogoeta eta pentsamendu kritikoko planteamendu originalei erantzuten dieten gai berritzaileak eskaintzen dira. Eibartarraren liburuxkak, krisi ekologikoaren gaineko analisi politiko eta sozialetik harago, ateak zabaldu nahi dizkio soilik lur kolektiboetan loratzen den itxaropenari.