XX. mendeko euskal emakumeei buruzko erakusketa zabalduko dute bihar Portalean

Emakumeen Nazioarteko Egunaren harira zenbait ekitaldi antolatu dituzte hilabete osorako eta bihar emango zaio hasiera egitarauari. Izan ere, Portaleako erakusketa aretoak ‘Berdintasunerako bide luzea: Euskadiko emakumeak XX. mendean’ izeneko erakusketa jasoko du bihartik aurrera hilaren 27ra arte.

Erakusketa martitzenetik domekara egongo da zabalik 18:30etik 20:30era. Ainhoa Aldazabal filologoak bisita gidatuak eskainiko ditu herriko institutuetako ikasleentzat eta euskaltegietako ikasleentzat; eta, gainera, bisita gidatu irekiak ere egingo ditu: bata martxoaren 4an, barixakuan, 18:00etan, eta bestea hilaren 15ean, 12:30ean.

Bisita gidatuetan parte hartzeko beharrezkoa da Andretxean, aldez aurretik, izena ematea: andretxea@eibar.eus, 688 853 440 edo 943 543 938.

Informazio gehiagorako SAKATU HEMEN.