Etxebizitzaren negozioaren aurkako asanblada egingo du LAB Debaldeak Eibarren

LAB Debaldeak etxebizitzaren egoerari buruzko asanblada deitu du ekainaren 18rako Eibarren. Saioa 17:30ean hasiko da, sindikatuak herrian duen egoitzan, eta nagusiki afiliatuei zuzenduta dago. Sindikatuan etxebizitza arloa martxan jarri zela eta, Eibarren bi astean behin egiten dituzte etxebizitzaren inguruko asanbladak.

Sindikatuak jakinarazi duenez, etxebizitzaren merkatuak langile klasearen zati handi bati eragiten dio gaur egun, eta egoera horren aurrean antolakuntza kolektiboaren garrantziaz hausnartzea izango da ekitaldiaren helburuetako bat.

Deialdian azaldu dutenez, etxebizitzaren prezioen gorakadak eta espekulazioak herritarren bizi-baldintzetan duten eragina aztertuko dituzte, baita eskubideen defentsarako bideak ere.

LABek afiliatuak saioan parte hartzera gonbidatu ditu.