"Txillarreko sukaldaria" dokumentala ikusgai dago gure webgunean
Edurne San Martin eibartarrak eta Asier Ibaibarriaga ermuarrak "Txillarreko sukaldaria. Pello Rubiori elkarrizketa" liburua aurkeztu zuten iaz (Elkar). Liburuarekin batera, "Txillarreko sukaldaria" dokumentala ere sortu zuten. Ikus-entzunezko lan hori Euskal Herriko hainbat herritan eta hiritan eman dute azkeneko hilabeteetan. Gaur, maiatzak 8, telebistako estreinaldia egin dute hainbat katetan, eta HEMEN klik eginda ere ikus dezakezue.
Pello Rubio da dokumentaleko protagonista nagusia. Elkarrizketa-formatuan argitaratutako lanak gatazka politikoaren garaian izandako elkarrizketa isilen garrantzia azaleratzen du. Pello Rubioren bizipenak eta ekarpena jasotzen ditu, elkarrizketa sakon baten bidez. Lanak erakusten du nola pertsona arrunt batek, ikusgarritasun handirik gabe, paper garrantzitsua izan zuen Euskal Herriko azken hamarkadetako prozesu politikoetan.
