Otsailak 25

1764. urteko febreruaren 25ian erabagi zan ganauaren gizena-gantza (sebo) freskuaren libria 8 kuartuan saltzia; eta sikatutakua, 10ian; idixaren burua, garun eta guzti, errial eta erdixan; idi-bakotxaren barruak-tripia (panza) 24 kuartuan; larena, heste mehe eta lodixaren korda zatixekin, 6 kuartuan; lierra-kuajua, 6 kuartuan; heste haundixena be bai; gibel libria, 6 marabedittan; baria, 6 kuartuan; guntzurrunak be bai; hankak, 6 marabedittan. Gizen libria (18 ontza eta erdi) 7 belatan partitzen zan: 10 marabedi egitten eban bakotxak. Urte osuan, 30 erraldeko 150 idi jaten ziran, gitxi gorabehera.