Euskeraz Primeran! mantelak tabernetan, eta ohar- laburretarako talonarioak dendetan

Hasi dira gure herriko taberna eta terrazetan "Euskeraz Primeran!" mahai-azpikoak erabiltzen eta harrera ezinhobea izan dute bezeroen artean. Helburua taberna edo ostalaritza inguruko lexikoa eta ohiko esamoldeak eskura izan, eta batez ere erabiltzea da.

"Norabide biko elementua da, ostalariengan eta bezeroengan eragitea bilatzen dugu, erabiltzeko gogorarazpena egin nahi dugu eta hizkuntzarekiko zalantzak dituenari laguntzea bilatzen dugu" adierazi dute  ...eta kitto!ko dinamizatzaileek.

Ostalariek asko estimatu dute produktua, eta esan digutenez, mahaia prestatzen ari diren momentuan bertan gogoratzen dira lehen hitza euskaraz egiteaz. Guridi tabernako Eva Egigurenen esanetan, "Tristea da, baina hain barneratuta dugu gaztelera, gogoratu egin behar digutela euskaraz egin behar dugula. Baina eraginkorra da. Polita da bezeroen erreakzioa ikusitea eta orduantxe konturatzen zara ze balio gutxi ematen diogun guk. Kanpotik datozenak gorde nahi izaten duten mantela, zikina eta erabilita egonda ere, eta bertakook ez diogu halako baliorik ematen. Mantelean polita iruditzen zaigun arren, ahoan ez darabilgu ta!"

Dendetan ere, talonarioak banatu dituzte, dendariek bezeroei ematen dizkieten ohar laburrak euskaraz idaz ditzaten gogorarazteko.