Abian da MAKE IN! ekintzailetza Industriala programaren hirugarren edizioa

Abian da MAKE IN! ekintzailetza Industriala programaren hirugarren edizioa
2024/01/09 eta kitto!
Debegesa Garapen Agentziak, Debabarreneko ekintzailetzari laguntzeko beste eragile batzuen laguntzarekin, MAKE IN! programaren 3. edizioa jarri du martxan.  MAKE IN! Ekintzailetza Industriala programari buruz gahiago jakin naihi duten proiektuek (start up) informazio guztia aurkituko dute Debegesaren atari digitalean, eta bertan eman ahal izango dute izena. Izena emateko epea martxoaren 18ra arte egongo da zabalik.

Parte hartzeko baldintzak
Debegesak sustatutako programa industriari lotutako Startups edo enpresa-ekimenei zuzenduta dago, baldin eta gutxieneko produktu bideragarria edo eraikitzen ari dena badute. Gainera, programara aurkezten diren ekimenek osagai teknologikoak edo negozio-eredu berritzaileak izan behar dituzte, esparru honetara lotutakoak: fabrikazio gehigarria, ikusmen artifiziala, RV/RA, robotika, IA, Big Data eta IoT. Era berean, proiektuek industriari lotutako ekonomia zirkularrarekin eta energiarekin lotuta egon beharko dute.

Hainbat abantaila
Make In!-ek hainbat abantaila eskaintzen dizkie parte-hartzaileei: erreferentziazko industria-sare baterako sarbidea (BPTD elkartea), bezero potentzialetarako sarbidea, talenturako sarbidea, mentorizazio pertsonalizatua sektoreko adituekin, laborategi espezializatuak, lan-espazioak, prestakuntza eta ekitaldiak, inbertitzaileentzako sarbidea eta finantzaketa.