Amelia Tiganus emakumeen salerosketako biktima ohiaren hitzaldia bihar Portalean

Gaur Peter Szilek hitzaldia eskaini ondoren, bihar amaituko da Andretxeak antolatutako ‘Eztabaida feministak: prostituzioa eta sexu-lana auzian’ saioa. Amelia Tiganus aktibista feministak eta emakumeen salerosketako biktima ohiak eskainiko du azken solasaldia bihar 18:00etan Portaleko areto nagusian, eta ‘Emakumeak eta umeak: prostituziorako salgaiak. Nola fabrikatzen da puta bat?’ izango da bere berbaldiaren izenburua.

Orain dela aste batzuk sortu zen Euskal Herriko Mugimendu Abolizionistaren (EHMA) kidea da Tiganus.