Argazki rallyko sariak banatu dituzte

Klub Deportiboko Argazkilaritza Taldeak antolatutako Argazkilaritza Maiatzean egitaraua agurtzeko, maiatza amaieran egindako rallyko irabazleei sariak banatu dizkiete. Argazki digitalen atalean, lehen saria Carlos de Cos soraluzetarrak eskuratu du, bigarrena Iñaki Etxenagusia azpeitiarrak eta hirugarrena, berriz, Zallako Jose Luis Rodriguezek; atal bereko sari soziala, berriz, Fernando Retolaza eibartarrarentzat izan da. Eta zuri-beltzekoan, lehen saria Carlos Romero ondarrutarrari eman diote, bigarrena Jose Luis Irigoien eibartarrari eta hirugarrena Gernando Oregi soraluzetarrari; sari soziala Bakarne Elejalde Deporreko argazkilariak jaso du. Argazki rallyan, zuri-beltzeko atalean aurkeztutako lanak irailean Portalea tabernan ikusgai ipiniko dituzte.