Askatasun sindikalaren kontrako erasoa salatzeko AGME enpresaren aurrean elkarretaratzea egingo da etzi
Greba prestatzeko bileran sindikatuen presentzia debekatu dutela adierazi du LAB-ek.
2026/03/10
10:47
Silbia Hernandez Arrazola
LAB sindikatuak salatu duenez, “AGME enpresak greba orokorra prestatzeko langileek deitutako batzarrean sindikatuen presentzia debekatu du, askatasun sindikala erasotuz”. Sindikatuko ordezkariek adierazi dutenez, ez dute horrelako jarrerarik onartuko. Gertatutakoaren kontra azaltzeko, elkarretaratzea deitu dute, etzi (eguena, martxoak 12), 11:45ean lantegiaren aurrean, eta langileak elkarretaratzera batzera deitu dituzte.
