Asteburu honetako zine-karteldegiak lau egun hartuko ditu, bihartik hasita

Oraingoan, barixakua ere jai-eguna izanda, bihartik astelehenera arte luzatuko da Coliseoko zine-karteldegia. Aurreko asteburutik karteleran dagoen Thaddeus O’Sullivanen “El club de los milagros” pelikularekin batera, Paz Vegaren “Rita”, Maria Ripoll-en “Yo no soy esa” eta Gabriel Rivaren “Rescate en Africa. Una película de huevos” filmak eskainiko dira. Azkeneko hori animaziokoa da eta familian ikusteko aproposa.

Oraingoan lau pelikulak antzerako iraupenekoak dira, ordu eta erdi ingurukoak. “El club de los milagros” 1 Aretoan eskainiko da, “Rita” 2 Aretoan, “Yo no soy esa” 1 Aretoa eta Antzokiaren artean eta, azkenik, “Rescate en Africa” 2 Aretoa eta Antzokiaren artean.